Ресейлік ойыншы «Валенсия» сапына ауысты

«Вильярреал» және Ресей құрамасының жартылай қорғаушысы Денис Черышев «Валенсия» сапына ауысты, деп хабарлайды Prosports.kz сайты Sportbox порталына сілтеме жасап.

«Жарғанаттардың» ресми сайты келіссөздің анық-қанығын жасырып отыр. Алайда валенсиялық журналист Эктор Гоместің айтуынша, трансфер құны 5 млн еуроны құраған.   

28 жастағы Черышев өткен маусымда «Вильярреалдан» «Валенсияға» жалға берілген еді. Ресейлік ойыншы «жарғанаттардың» сапында 41 матч өткізіп, 4 гол соқты және 5 нәтижелі паспен көзге түсті.