«Оқжетпеске» Литва құрамасының ойыншысы келді

Көкшетаулық «Оқжетпес» Литва құрамасының ойыншысы Деймантас Петравичусті қатарға қосты, деп хабарлайды Prosports.kz.

Клубтың баспасөз қызметінің жазуынша, ойыншымен келісімшарт маусымның соңына дейін жасалды.

23 жастағы жартылай қорғаушы - Литва ұлттық құрамасының ойыншысы. Өзінің клубтық мансабын 2016 жылы англиялық «Ноттингем Форест» командасында бастады. Бұдан бөлек, польшалық «Загленбе Любин», шотландиялық «Мазервел» клубтарында доп тепкен.