«Ордабасы» Еуропа лигасының матчын үш жылдан бері алғаш рет Шымкентте өткізеді

«Ордабасы» клубы үш жыл өткеннен соң Шымкент қаласында Еуропа лигасының матчын өткізеді.

Еуропа лигасының бірінші іріктеу кезеңі аясындағы грузиялық «Торпедо» командасына қарсы матч 11 шілде күні Шымкенттегі Қажымұқан атындағы стадионда өтеді.

Айта кетейік, «Ордабасы» соңғы рет Шымкентте Еуропа лигасының матчын 2016 жылдың 7 шілдесінде сербиялық «Чукаричкиге» қарсы өткізген.