«Атырау» тағы бір легионерімен қоштасты

Словакиялық қорғаушы Франтишек Кубик «Атырау» командасынан кетті.

30 жастағы ойыншы «Атырауға» өткен жылдың жазында келген, содан бері 16 матчқа қатысты.

Осы маусымда Премьер лигада 8 матч өткізіп, 2 голдық пас шығарды.

Естеріңізге сала кетейік, бұған дейін «Атырау» сапынан словениялық жартылай қорғаушы Желько Филипович пен хорватиялық шабуылшы Йосип Иванчич кеткен болатын.