Легия Қазақстанға жету үшін 100 000 еуро жұмсайды

<p> <strong>Польшалық басылымдар Еуропа лигасының матчына дайындалып жатыр және 21 тамызда &laquo;Ақтөбемен&raquo; күш сынасатын &laquo;Легия&raquo; футбол клубының Қазақстанға баруы үшін қанша қаржы кететінін есептеді.</strong></p> <p> Przegladsportowy.pl порталының хабарлауынша, қарсыласымыздың басшылығы Ақтөбеге жету үшін 100&nbsp;000 еуро шығындайды, оның үстіне, команданың әр мүшесі үшін виза бағасы 50 еуроны құрайды. Жоғарыда айтылған сайтта Польшаның атақты сарапшысы &laquo;Легияға&raquo; қарсыласын менсінбей ойнауға болмайтынын жеткізді. Сондай-ақ оның айтуынша, &laquo;Ақтөбе&raquo; өз алаңында тамаша ойнайды &ndash; 20 матчта 3-ақ жеңіліс, алайда сырт алаңда ҚПЛ чемпиондарының жағдайы мәз емес &ndash; еурокубокта бар болғаны үш жеңіс. Польшалық БАҚ алдағы ойында қауіпті ойыншыларды да анықтапты: Роберт Арзуманян, Маркос Пиззели және бүгінде 6 гол соққан Игорь Зенькович.</p> <p> Естеріңізге сала кетсек, &laquo;Ақтөбе&raquo; мен &laquo;Легия&raquo; арасындағы алғашқы ойын 21 тамызда Қазақстанда өтеді. Ойын Астана уақытымен 21:00-де басталады.</p> <p> &nbsp;</p>