Ойыншылардың азаматтығын растау жөніндегі комиссияның мәжілісі өтті

<p> <strong>Қазақстан футбол федерациясында Вице-президент Олжас Абраевтың басшылығымен Ойыншылардың азаматтықтарын растау жөніндегі комиссияның кезекті мәжілісі өтті, деп хабарлайды футбол федерациясының ресми сайты.</strong></p> <p> Қазақстан Премьер-лигасының 2014 жылғы маусымы басында &laquo;Тобыл&raquo; футбол клубының Кәсіпқой футбол лигасына өткізген Никола Тоневтің жеке куәлігі Қазақстан Республикасының Ішкі істер министрлігінде тіркелмеген болып шықты.&nbsp;</p> <p> &nbsp;ҚР ІІМ берген жауаптың нәтижесінде Комиссия Никола Тонев мырзаның Қазақстан азаматы еместігі туралы қаулы шығарды. Яғни, бұл Қазақстан чемпионатының регламентін бұзушылық болып табылады. Өз кезегінде &laquo;Тобыл&raquo; футбол клубы ойыншыға Қазақстан Республикасы азаматтығын растайтын жеке куәлікті рәсімдеуге қатысы болмағандығын және жеке куәлікті клубқа ойыншының ұсынғанын мәлімдеді.</p> <p> Істі ары қарай жүргізу үшін Комиссия барлық материалдар мен құжаттарды ҚФФ-тың Тәртіптік-бақылау комитетіне тапсырды. Енді &laquo;Тобыл&raquo; футбол клубы мен Никола Тоневке санкцияны ТБК шығарады.</p> <p> ҚФФ Қазақстан Республикасы Ішкі істер министрлігімен бірлесе отырып, Никола Тоневке Қазақстан азаматтығын растайтын заңсыз құжатты берген тұлғаларды анықтауды жалғастыруда.</p>