Сұлтан Әбілдаев: «Екінші кезеңде «Қайсар» қарқынын қазіргіден де арттырады»

<p> <strong>&laquo;Қайсар&raquo; - &laquo;Жетісу&raquo; кездесуінен кейін баспасөз мәслихатында журналистердің сұрақтарына жауап берген алаң иелерінің жаттықтырушысы Сұлтан Әбілдаев жанкүйерлерді команданың ел чемпионатында үздіктер қатарынан орын алуымен құттықтады.</strong></p> <p> <strong>&bull; Ойын туралы</strong><br /> &laquo;Бүгін ең бастысы нәтиже болды. Сондықтан, футболшылардың көбінесе қорғанысқа қарайлап ойнағандары рас. Қазір үздік алтылықтан орын алдық. Енді бар өнерімізді салатын боламыз&raquo;.</p> <p> <strong>&bull; Командаға жаңа қосылған ойыншылар жөнінде</strong><br /> &laquo;Оларға командаға толық бейімделіп кету үшін әлі біршама уақыт керек. Бабына келген соң алаңға шыға бастайды. Жалпы қазіргі таңда кім дайын, алаңға солар шығады&raquo;.</p> <p> <strong>&bull; &laquo;Қайсардың&raquo; әлсіз шебі</strong><br /> &laquo;Әлбетте, әр сәтсіз ойыннан кейін қателіктерімізді талқыламыз. Бірақ бұл команданың ішінде қалатын нәрсе. Жалпы, сіздердің &laquo;Қайсардың&raquo; жартылай қорғанысы әлсіз деген пікірлеріңізбен келісуге де, келіспеуге де болады&raquo;.</p> <p> <strong>&bull; Ел чемпионатының екінші кезеңі</strong><br /> &laquo;Ең бастысы, үздіктер қатарында қалдық. Енді біз мықтыларға қарсы ойнаймыз. Қызылордаға &laquo;Ақтөбе&raquo;, &laquo;Шахтер&raquo;, &laquo;Астана&raquo;, &laquo;Қайрат&raquo; сияқты командалардың келетіні сіздерге де жанкүйерлерге де, бізге де жақсы. Өз тарапымыздан ел чемпионатының екінші кезеңінде барымызды салатынымызға уәде береміз&raquo;.</p>