«Атлантас» артта қалды. «Кеншілер» келесі кезеңде

<p style="text-align: justify;"> <strong>Кешегі Чемпиондар лигасындағы &laquo;Ақтөбенің&raquo; ерлігінен кейін бүгін Еуропа лигасынан да күтер сыйымыз мол. Қазақстандық үш клубтың ішінде алғашқы боп іске араласқан қарағандылық &laquo;Шахтер&raquo; өз алаңында литвалық &laquo;Атлантасты&raquo;&nbsp; қабылдады. </strong></p> <p style="text-align: justify;"> Алғашқы ойындағы тең есеп &laquo;кеншілердің&raquo; жанкүйерлеріне үшінші іріктеу кезеңіне үлкен үміт берді. Ол үшін қарағандылықтарға қалай да жеңу қажет, ал нәтижелі тең есеп қонақтарды келесі кезеңге шығараратын еді.</p> <p style="text-align: justify;"> Ойын &laquo;Шахтердің&raquo; шабуылдарымен басталды. &laquo;Кеншілердің&raquo; ұмтылыстары бірінен соң бірі қауіптірек болып, қонақтардың біраз абдыратып тастады.</p> <p style="text-align: justify;"> Алайда қақпа аңғарына бағытталған алғашқы соққыны &laquo;Атлантас&raquo; ойыншылары жасады. Андрюс Йокшастың алыстан тепкен добы Мокин қақпасына қауіп төндірген жоқ.</p> <p style="text-align: justify;"> Бірінші таймның алғашқы бөлігінде жанкүйерлер ешқандай қауіпті шабуыл көре алмады. Ойын көбіне күреске толы өтті. Гедиминас Вичюстың ауттан асырылған дәстүрлі пастары айып алаңында қарбалас тудырғанымен, &laquo;Атлантас&raquo; қақпасына соққы жасалмады. &nbsp;</p> <p style="text-align: justify;"> Матчтың басталғанына жарты сағат болғанда &laquo;кеншілер&raquo; жылдам қарымта шабуыл жасады. Оң қанат арқылы өрбіген доп орта тұстағы Финонченкоға жетті, капитан оны Никола Покривачқа қалдырды, соңғысы оңтайлы жерден допты қақпадан биікке жіберді. 39-минутта осындай қарымта ұмтылыстардың бірінде Андрей Финонченконың өзі іске кірісті. Оң қанаттағы Топчагичтің әуелеткен добын Андрей баспен қақпаға көздеген болатын. Теңбіл доп қақпадан биік кетіп, жанкүйерлер &laquo;аһ ұрды&raquo;. Араға санаулы минуттар салып Финонченко тағы бір шабуылды текке кетірді. Қақпашымен бірге-бір қалған ол соққы бағыттады. Алайда доп қақпашы Галдикастың беліне тиіп, алаңнан шығып кетті.</p> <p style="text-align: justify;"> Екінші тайм қарағандылық жанкүйерлердің қуанышымен басталды. 46-минутта бұрыштан әуелеген доп қорғаушылар арқылы серіпіліп барып Михрен Топчагичтің аяғына жетті. &laquo;Шахтердің&raquo; шабуылшысы мүлт кеткен жоқ.</p> <p style="text-align: justify;"> 57-минутта Галдикас қақпасына екінші рет гол кірді. Алайда Қонысбаев соққан голда қапталдағы төреші Кировтың ойыннан тыс қалғанын көрген екен.</p> <p style="text-align: justify;"> Десек те, Ұлан араға төрт минут салып дегеніне жетті. Қорғаушыларды артта қалдырған хавбек Галдикаспен бірге-бір қалды. Бұл дуэльде Қонысбаев жеңімпаз атанып шықты &ndash; оның жасаған соққысы бағанаға тиіп, қақпа сызығынан өтіп кетті. &nbsp;</p> <p style="text-align: justify;"> Бұл есептен кейін &laquo;кеншілер&raquo; еркін ойнай бастады. Алғашқы голдан кейін Виктор Кумыков шабуылда сенімдірек ойнаса, қонақтарға тайлы-тұяғымен алға ұмтылуға тура келді.</p> <p style="text-align: justify;"> 73-минутта Топчагичтің дубль жасайтын мүмкіндігі болды. Алайда доп діттеген жерге жеткен жоқ. Санаулы минуттан соң, Қонысбаев та екінші рет қанжығасын майлауға жақын қалды. Бұл тұста қақпашының шеберлігі үстем болды.</p> <p style="text-align: justify;"> Бізге кешегі &laquo;Ақтөбе&raquo; - &laquo;Динамо&raquo; ойыны қайталанып жатқандай көрінді. Төреші қосқан қосымша уақытта алаңға тыңнан қосылған жас шабуылшы Роман Муртазаев ойынды түйіндеді &ndash; 3:0.</p> <p style="text-align: justify;"> Осылайша қазақстандық клубтардың еуротурнирдегі жеңіліссіз сериясы жалғасын тауып, &laquo;Шахтер&raquo; үшінші кезеңге шықты. &laquo;Кеншілердің&raquo; келесі қарсыласы ирландияда &laquo;Дандолкты&raquo; 2:0 есебімен қапы қалдырған хорватиялық &laquo;Хайдук&raquo; болуы әбден мүмкін. &nbsp;&nbsp;&nbsp;</p> <p style="text-align: justify;"> <strong>Шахтер &ndash; Атлантас 3:0 (0:0)</strong></p> <p style="text-align: justify;"> <strong>Голдар: </strong>1:0 &ndash; Топчагич 46, 2:0 &ndash; Қонысбаев 61, 3:0 &ndash; Муртазаев 90+3 &nbsp;</p> <p style="text-align: justify;"> <strong>Шахтер:</strong> Мокин, Джидич, Малый, Масло, Симчевич, Вичюс, Конысбаев, Покривач (Байжанов 68), Киров, Топчагич (Мурзоев 84), Финонченко (Муртазаев 89).</p> <p style="text-align: justify;"> <strong>Атлантас: </strong>Галдикас, Йокшас, Гнедоюс, Емелин, М. Казлаускас, Барткус, Д. Казлаускас, Папшис, Жукаускас (Ракаускас 80), Элиошюс (Максимов 62), Крушнаускас (Баранаускас 72).</p> <p style="text-align: justify;"> <strong>Ескертулер: </strong>Қонысбаев 52, Симчевич 56, Топчагич 66 &ndash; Жукаускас 36, Д. Казлаускас 52, Гнедоюс 55</p>