Футболшылар азаматтығының туралығы жөніндегі комиссияның мәжілісі өтті

<p style="text-align: justify;"> <strong>Қазақстан футбол федерациясының арнайы құрылған комиссиясы бірнеше отырыс өткізіп, оған &laquo;Тобыл&raquo; футбол клубының директоры Талғат Баймұратов пен аталмыш команданың ойыншысы Никола Тоневті шақыртты, деп хабарлайды футбол федерациясының ресми сайты.</strong></p> <p style="text-align: justify;"> Алайда футболшы комиссия мәжілісіне келмеді. Осыған байланысты &laquo;Тобыл&raquo; футбол клубының өкілдері бүгінде Никола Тоневтің команда сапында жоқ екенін хабарлады.</p> <p style="text-align: justify;"> Бұдан бөлек, Қазақстан футбол федерациясы Қазақстан Ішкі істер министрлігінің Миграциялық полиция комитетіне Никола Тоневтің жеке куәлігі мен төлқұжатының көшірмесін жолдап, футболшының азаматтығының растығы жайында сұрау салды. Бұл &laquo;Тобыл&raquo; футбол клубының 2014 жылғы маусым басында ел чемпионатына ойыншыларды тіркеу кезінде Қазақстан футбол федерациясына өткізген құжаттары болатын.</p> <p style="text-align: justify;"> Қазіргі таңда Федерация ІІМ мен &laquo;Тобыл&raquo; футбол клубынан жауап күтуде. Клуб тарапы бұл жайында хат жүзінде әлі жауап жолдаған жоқ.</p> <p style="text-align: justify;"> Бұған дейін хабарланғандай Қазақстан футбол федерациясы вице-президент Олжас Абраевтың басшылығымен арнайы комиссия құру жөнінде шешім қабылдаған болатын. Бұл комиссия жекелеген футболшылардың Қазақстан Республикасы азаматтығын заңды жолмен алған-алмағандығын анықтаумен айналысатын болады. Қосымша ақпараттарды мемлекеттік органдардың жауаптарынан кейін ұсынатын боламыз.</p> <p style="text-align: justify;"> <a href="http://kff.kz/kaz/news/2983/"><em><span style="font-size:14px;">Ақпарат футбол федерациясының ресми сайтынан алынды.</span></em></a></p>