«Astana Motorsports» командасы «Баха Испания Арагон» жарысында топ жарды

<p style="text-align: justify;"> <strong>Шілденің 18-і мен 20-ы аралығында Испания елінде &laquo;Astana Motorsports&raquo; командасының көшбасшысы Артур Ардавичус &laquo;Баха Испания Арагон&raquo; жарысында топ жарды.&nbsp;</strong></p> <p style="text-align: justify;"> Алтыншы әлем кубогының кезеңі саналатын сында жерлесіміз жүк көлігі категориясында үш күн бойы қарсыласқа мүмкіндік бермей, үздік болды. Байрақты бәсекеге Қазақстан құрамасы атынан 1 жүк көлігі мен 2 жеңіл автокөлік қатысты.&nbsp;<br /> <br /> <strong>Артур АРДАВИЧУС &laquo;Astana Motorsports&raquo; командасының мүшесі:</strong><br /> <br /> Қазақстандық команда &laquo;Баха Испания Арагон&raquo; жарысында бірінші рет жеңіс тұғырынан көрінді. Қашықтығы ұзақ болмаса да, Дакар жолын еске түсірді. Көптеген кедергілерге тап болдық, соған қарамастан жеңіске жеттік. Өте қуаныштымыз.&nbsp;<br /> Өзге экипаждарға келетін болсақ, жолсызда жүретін көлікті Айдын Рахымбаев пен штурманы Антон Николаев жүргізді. Ал MINI All-4 Racing категориясында ел намысын Бауыржан Исабаев пен Владимир Демьяненко қорғады. Рахымбаевтың экипажы үшінші күні жарыс жолынан шығып қалса, Исабаевтың экипажы үздік ондықта жарысты аяқтады. Енді &laquo;Astana Motorsports&raquo; командасының мүшелері Марокко елінде өтетін беделді раллиге дайындалады.</p>