«Ордабасы» сапын бірқатар жаңа ойыншылар толықтырды

<p style="text-align: justify;"> <strong>Шымкенттік &laquo;Ордабасы&raquo; жазғы трансферлік маусымда бірқатар ойыншылармен толықты, деп хабарлайды baq.kz сайты.</strong></p> <p style="text-align: justify;"> &laquo;Олардың қатарында бұған дейін Павлодардың &laquo;Ертіс&raquo; командасында ойнаған жерлесіміз Бағдаулет Қожабаев және чехиялық жартылай қорғаушы Ондрей Кудела бар. Өткен жылдары &laquo;Ордабасы&raquo; командасында өнер көрсеткен Бағдаулет Қожабаевты жергілікті жанкүйерлер жақсы таниды. Жастар құрамасының мүшесі болып табылатын жерлесіміздің қайта оралуы командаға жаңаша леп береді деп ойлаймыз.Ол басқа командаға ауысқан Евгений Левинді алмастырды&raquo;, - делінген ОҚО әкімдігінің сайтында.</p> <p style="text-align: justify;"> Ал, 27 жастағы чехиялық жартылай қорғаушы Ондрей Кудела бұған дейін Еуропаның бірқатар командаларында өнер көрсеткен. Атап айтқанда: &laquo;Словацко&raquo; (Чехия, Угерске-Градиште, 2005-07 ж), &laquo;Кладно&raquo; (Чехия, Кладно, 2007 ж), &laquo;Спарта&raquo; (Чехия, Прага, 2008 ж), &laquo;Млада-Болеслав&raquo; (Чехия, Млада Болеслав, 2009-2014 ж) командалары. №11 спорттық жейдеге ие болған орталық қорғаушы бұған дейін &laquo;Ордабасы&raquo; сапында болған өзінің отандасы чехиялық Павел Черныйды алмастырды.</p>