Қазақстан және Испания футбол федерациялары ынытамқастықты кеңейтуге ниетті

<p> <strong>Қазақстан футбол федерациясының Бас хатшысы Аллен Шәйжүнісов корольдік Испания футбол федерациясы атқару комитетінің мүшесі Хасинто Андрес Алонсомен кездесті.</strong></p> <p> Айта кетейік, испаниялық делегация Астанаға жасөспірімдер арасындағы жетінші халықаралық &laquo;Қазақстан Республикасы Президентінің кубогы&raquo; турниріне келген болатын. Кездесу барысында тараптар екі елдің футбол федерациялары арасындағы ынтымақтастықты нығайтудың мүмкіндіктерін талқылады. Атап айтсақ, қазақстандық жаттықтырушыларды қайта даярлау мен құрама командалар арасында жолдастық кездесулер өткізу жағы қарастырылды.</p> <p> Сондай-ақ, тараптар қазіргі Ынтымақтастық меморандумы аясындағы өзара байланысты кеңейтудің жолдарын да талқылады. Х.А.Алонсо Мараньонның айтуынша меморандум еліміздегі футболдың дамуына серпін береді.</p> <p> Бұған дейін хабарланғандай Қазақстан және Испания футбол федерациялары президенттерінің келісімдері арқасында Испания жасөспірімдер құрамасы (-17) биыл тұңғыш рет Қазақстан Республикасы Президентінің кубогына қатысуда.</p> <p> &nbsp;</p> <p> <em>Ақпарат ҚФФ ресми сайтынан алынды</em></p>