Президент кубогы басталды

<p style="text-align: justify;"> <strong>Елордамыздың &laquo;Астана-Арена&raquo; стадионында &laquo;Қазақстан Республикасы Президентінің кубогы&raquo; халықаралық жетінші дәстүрлі турнирінің ресми ашылу салтанаты өтті. </strong></p> <p style="text-align: justify;"> 1998 жылғы (U-17) жасөспірімдер құрамалары арасындағы турнирге Қазақстаннан бөлек, Әзірбайжан, Испания, Грузия, Қырғызстан және Тәжікстан құрамалары қатысуда.</p> <p style="text-align: center;"> &nbsp;</p> <p style="text-align: justify;"> Ашылу салтанатында алғаш сөзді ҚР Спорт және дене шынықтыру агенттігінің төрағасы Тастанбек Есентаев алып, жеткіншектерге сәттілік тіледі. Сондай-ақ, Қазақстан футбол федерациясының вице-президенті Сейілдә Байшақов та көпшілік алдында сөз сөйлеп, турнирдің қызықты да, тартысты өтетініне сенім білдірді.</p> <p style="text-align: justify;"> &nbsp;</p> <p style="text-align: justify;"> Командалар қолдаусыз қалмайды. Өз жерлестеріне дем беру үшін турнирдің әр ойынына Әзірбайжан, Грузия, Испания, Қырғызстан және Тәжікстан елдерінің Қазақстандағы дипломатиялық өкілділігінің өкілдері келуге ниет танытып отыр.<br /> Сонымен қатар, ашылу салтанатында ҚР Қорғаныс министрлігінің орталық әскери оркестрі өнерлерін көрсетіп, салтанатқа сән қосты.</p> <p style="text-align: justify;"> <br /> Ашылу салтанатынан кейін алаңға Қазақстан және Қырғызстан құрамалары шықты. Турнир осы жылдың 29 маусымына дейін жалғасатын болады.</p> <p style="text-align: right;"> <span style="font-size:14px;"><em>kff.kz</em></span></p>