Қазбек Гетериев: «Қайсар» биыл үздік үштікке таласа алады»

<p style="text-align: justify;"> <strong>Жазғы маусымаралық үзілісте &laquo;Қайсар&raquo; әзірге бір ойыншымен толықты. Бұған дейін Ресейдің бірқатар командаларында ойнап, Қазақстанда &laquo;Қайрат&raquo; пен &laquo;Ордабасы&raquo; сапында доп тепкен Қазбек Гетериев Сыр командасына қалай келгенін айтып берді.</strong></p> <p style="text-align: justify;"> <strong>- Қазбек, &laquo;Қайсарға&raquo; қош келдің!</strong></p> <p style="text-align: justify;"> - Рахмет! &laquo;Ордабасымен&raquo; келісімшартты үзгеннен кейін үйіме оралғанмын. Содан &laquo;Қайсардағы&raquo; досым Кирилл Шестаковқа хабарласып, жағдайды түсіндірдім. Кейіннен клуб басшысы Руслан Балтиевке хабарластық. Тахирович &laquo;алдымен әлеуетіңді байқайық&raquo; деп команданың Алматыдағы оқу-жаттығу жиынына шақырды. Міне, осылайша &laquo;Қайсарға&raquo; келіп қалдым.</p> <p style="text-align: justify;"> <strong>- 29 нөмірді таңдапсың. Өзіңе осы сан ұнай ма?</strong><br /> - Бос қалған нөмірлердің арасынан таңдағаным ғой. Негізі 33 нөмірді ұнатамын. Бірақ дубльдік командадағы футболшының еншісінде екен бұл нөмір. Содан 29 таңдадым. Өйткені, осы айдың 30-ы күні 29-ға толамын.</p> <p style="text-align: justify;"> <strong>- &laquo;Ордабасы&raquo; және &laquo;Қайсар&raquo; клубтары арасында не айырмашылық байқадың?</strong><br /> - Әлбетте айырмасы бар. Әсіресе, жаттығу барысында қатты байқалады. &laquo;Ордабасыда&raquo; жүргенде мұншалықты ауыр болмаған. Мұнда жаттығулар ауыр.</p> <p style="text-align: justify;"> <strong>- Шыдай алып жүрсің ба?</strong><br /> - Өзіме осындай жаттығулар ұнайды. Жаттығуда қаншалықты қиын болса, алаңда соншалықты оңай болады емес пе?! Дмитрий Алексеевич футболшылардың босаңсымай, әрдайым тонуста жүргенін қалайды.</p> <p style="text-align: justify;"> <strong>- Ал екі клубтың инфрақұрылымы жөнінде не айырмашылық бар екен?</strong><br /> - Екі команданың базаларын салыстырар болсам, &laquo;Қайсардыкін&raquo; жақсы деп айтар едім. Адамгершілік тұрғысынан келер болсақ, өзің жақсы болсаң, кез-келген клубқа жылдам сіңісіп кетесің деп ойлаймын.</p> <p style="text-align: justify;"> <strong>- Қазбек, сен Ресей Премьер-лигасында біраз жыл доп тептің. Қазақстан футболына да сіңісіп үлгердің. Қалай ойлайсың, біздің командалар Ресейдің ең болмағанда Ұлттық футбол лигасында абыроймен өнер көрсете ала ма?</strong>&nbsp;<br /> - Қазақстан футболы жыл сайын қарыштап дамып келеді. Алдағы 2-3 жылда еліміздің үздік алтылығы тек Ресей Премьер-лигасының алпауыттарына ғана емес, Еуропа футболының марғасқаларына лайықты қарсылас бола алады деп үміттенемін.</p> <p style="text-align: justify;"> <strong>- Кезінде Ресейдің &laquo;Алания&raquo; командасын алға сүйреп, Премьер-лигаға шығуына көмектестің. Сол кезде өзіңе бейтаныс Қазақстан чемпионатына ауысуға қорықпадың ба?</strong><br /> - Кейінгі кездері &laquo;Алания&raquo; сапында алаңға аз шығып жүрдім. Қосалқы құрамда қалып қоя бердім. Содан клуб ауыстыру туралы шешім қабылдағанымда Алматының &laquo;Қайраты&raquo; ұсыныс тастады. Қазақстан футболын ұлттық құрама ойыны арқылы жақсы білетіндіктен көзімді жұмып, Алматыға кетіп қалдым. Қазір бұған өкінбеймін.</p> <p style="text-align: center;"> <img alt="" src="/cms/uploads/images/Казбек Гетериев (номер 33) только что свалил на газон Вагнера Лава (news_ru)(2).jpg" style="width: 600px; height: 498px;" /></p> <p style="text-align: justify;"> <strong>- &laquo;Қайсарға&raquo; қайта оралсақ, &laquo;Ордабасыда&raquo; жүргенде қызылордалық команда жайлы қандай пікірде болдың? Маусым басында &laquo;Қайсардан&raquo; осындай нәтиже күтіп пе ең?</strong><br /> - Маусым басында мен ғана емес, барлық жанкүйерлер &laquo;Қайсарды&raquo; үздіктер қатарында болады деп ойламаған шығар. Шынымен де таңғалдырды. Ал қазір өзім осында ауысқандықтан емес, ел футболын жақсы білетін азамат ретінде айтарым, &laquo;Қайсар&raquo; қазір турнир кестесінде өз орнында. Тіпті, бұдан да биікте тұратын мүмкіндігі бар еді.</p> <p style="text-align: justify;"> <strong>- Ал команданың әлеуеті қаншаға жетеді деп ойлайсың?</strong><br /> - Қазақстан чемпионатының қорытындысы бойынша үздік үштікке таласа алатындығымызға сенімдімін.</p> <p style="text-align: justify;"> <strong>- Сенің ойыңша, команданың осындай нәтижелер көрсетуі ненің арқасында деп ойлайсың?</strong><br /> - &laquo;Қайсар&raquo; маған 2010 жылғы &laquo;Спартак-Нальчикті&raquo; көз алдыма әкелді. Ол кезде де &laquo;Спартак-Нальчикте&raquo; соншалықты жұлдыздар болмаған. Бірақ бастысы тәртіп болды. Соның арқасында Премьер-лигасында атой салғанбыз. &laquo;Қайсарда&raquo; да сол секілді болып тұр. Дмитрий Алексеевич мұнда тәртіп орнатып, тер төкпеген футболшы алаңға шықпайтынын білдірді. Егер сен &laquo;Қайсарда&raquo; ойнағың келсе, онда бар өнеріңді паш етуің керек.</p> <p style="text-align: justify;"> <strong>- Бірақ &laquo;Ордабасы&raquo; төрт ұпай алған &laquo;Ақтөбе&raquo; &laquo;Қайсар&raquo; үшін алынбас қамал болып тұр. Екі ойында да ірі есеппен жеңілдік. Қалай ойлайсың, ел чемпионын тізе бүктіру үшін не істеу керек?</strong><br /> - Иә, біріншісінде &laquo;Ақтөбені&raquo; Шымкентте 1:0 есебімен жеңгенбіз. Алайда шынын айту керек, сәттілік жолдас болды бізге. Бірақ өткен турда да &laquo;Ордабасы&raquo; &laquo;Ақтөбемен&raquo; түзде тең ойнапты ғой. Жеңілмейтін команда жоқ. Осы жолы жеңетінімізге сенімдімін. Ол үшін барлық футболшы алаңда соңғы күштері қалғанша жанталасулары керек.</p> <p style="text-align: justify;"> <strong>- Бразилияда өтіп жатқан Мундиалға тоқталсақ. </strong><strong>Қай команда чемпион болады деп ойлайсың?</strong><br /> - Алғашқы қарқындарын көрдік қой барлық команданың. Меніңше Германия биыл кубокты алатын секілді. Ойын өрнегі керемет.</p> <p style="text-align: justify;"> <strong>-Ал қай командаға бүйрегің бұрады?</strong><br /> - Испания болатын. Ойындары ұнайды. Әттең, ерте ұшып кетті.</p>