Виктор Кумыков: «Шомко жарақатына байланысты үйіне ұшып кетті. Байжанов та бабында емес»

<p style="text-align: justify;"> <strong>Футболдан Қазақстан құрамасының бас бапкері Юрий Красножанның көмекшісі, қарағандылық &laquo;Шахтердің&raquo; бас жаттықтырушысы Виктор Кумыков &laquo;PROСПОРТ Қазақстан&raquo; тілшісіне берген сұхбатында алдағы Венгрияға қарсы кездесу мен &laquo;Шахтер&raquo; жайлы айтып берді.</strong><br /> <br /> <strong>- Венгрияға қарсы матчта Юрий Красножан жаңа тактикалық өзгерістер енгізе ме?&nbsp;</strong><br /> <br /> - Аса өзгерістер болмайды. Қазіргі таңда, Юрий Анатольевич ойынға ең жақсы ойыншыларды дайындауда. Кеңейтілген тізімнен Венгрияға барлығы бара алмайтынын ойыншылар біледі.<br /> <br /> <strong>- Жаттығулар ауыр ма?</strong><br /> <br /> - Бүгін ауырлау болды жаттығу.&nbsp;<br /> <br /> <strong>- Негізгі құрамда кімдер шығады?</strong><br /> <br /> - Қазірде екі құраманы дайындап жатырмыз. Венгрияға қарсы ойынға шығатын футболшыларды кездесуге бір күн қалғанда анықтаймыз.&nbsp;<br /> <br /> <strong>- Бүгінгі жаттығуда Дмитрий Шомко мен Мақсат Байжанов болмады, себебі неде?</strong><br /> <br /> - Шомко жарақатына байланысты үйіне ұшып кетті. Байжанов та бабында емес.</p> <p style="text-align: justify;"> <strong>- Богданов &laquo;Шахтерге&raquo; ауысуы мүмкін бе?</strong><br /> <br /> - Богданов тәжірибелі, мықты ойыншы. Дегенмен, оның &laquo;Тобылмен&raquo; келісімшарты бар.<br /> <br /> <strong>- Еуропа лигасы қарсаңында &laquo;Шахтерге&raquo; жаңа ойыншылар келе ме?</strong><br /> <br /> - Әрине. Қорғаушы мен жартылай қорғаушы керек. Сондай-ақ, шабуылда ойнайтын бір футболшы қажет.<br /> <br /> - Жиын барысында Алматыға Александр Кировты шақырдық. Бұдан өзге, Еуропа чемпионатында ойнаған Хорватия құрамасының жартылай қорғаушысы Никола Покревац Алматыдағы жиынға қосылады. Онымен келісімге келдік. Үшінші футболшы жайлы әлі шешім қабылдаған жоқпыз.&nbsp;<br /> <br /> <strong>- Алдин Джидичтің мәселесі не болды?</strong><br /> <br /> - Жақын арада мәселесі шешілеуі тиіс. Маусымда алаңға шығады деген ойдамыз.</p>