Гибралтар ойыншыларының төбесі көкке жетуде

<p> <strong>Сәрсенбіде Гибралтар құрамасы УЕФА тізіміне кіргелі бесінші жолдастық матчын өткізді. Мальтаға қарсы болған кездесуді аралдықтар 1:0 есебімен жеңіске жеткен еді.</strong></p> <p> 64-минутта 27 жастағы Кайл Кашаро Джозеф Чиполинаның қақпасынан саңлау тауып, өз құрамасына алғашқы жеңісін алып келді. Соңғы ысқырық естілген соң, УЕФА-ның жас командасы өз алаңындағы ойындарды өткізетін португалиялық Фару қаласындағы стадионда Гибралтар жанкүйерлерінің қуанышы көкке жетті.</p> <p> &laquo;Ұлы жеңіс. Алғашқы жеңісіміз үшін қуаныштымын&raquo;, - деді Кайл Кашаро Tweeter желісіндегі жеке парақшасында.</p> <p> &laquo;Бүгін біз жаттығу кезінде көп тер төккен ойымызды іске асырдық &ndash; ойын кезінде жоспардан ауытқымай, допқа иелік етуге тырыстық&raquo;, - деп команда капитаны Рой Чиполина ағынан жарылды. &ndash; Біз кәсіпқой футбол көрсеттік деп ойлаймын, осы жеңісімізге қуаныштымын.&raquo;</p> <p> Оның &laquo;Линкольндегі&raquo; әріптесі Райан Кашар былай деді: &laquo;Біз тұтас ойнап, қарымта шабуылда жақсы өнер көрсеттік. Осы жоспарды ұстанып, әлі де дами түсуіміз керек. Матчтағы ең қауіпті шабуылдарды біз ұйымдастырдық, сондықтан жеңіске лайық болдық&raquo;.</p> <p> Райан Кашар екі есе қуанышты болуға тиіс, себебі жеңіс голын оның інісі соқты. Тек бір өкінетіні &ndash; оның ағасы Ли тізесінің жарақатына байланысты ойнай алмады: &laquo;Туған бауырларыммен бір командада ойнау тамаша ғой. Ли жақын арада жазылады деп сенемін.&raquo;</p> <p> Гибралтар УЕФА құрамына кіргелі алғашқы ресми матчын 7 қыркүйекте Польшаға қарсы ойнайды. Аталмыш кездесу ЕВРО-2016 іріктеу кезеңінің В тобындағы алғашқы тур аясында өтеді. &nbsp;</p>