ЧЛ. Неміс машинасы оталады ма?

<p> <strong>Чемпиондар Лигасының әр кездесуі қашан да футболсүйер қауым үшін мереке екені анық. Бүгін кәрі құрлықтың клубтар арасындағы басты додасында &laquo;Бавария&raquo; мадридтік қонақтарын қабылдайды.</strong></p> <p> Естеріңізде болса, бір апта бұрын &laquo;Сантьяго Бернабеуде&raquo; &laquo;Реал&raquo; мюнхендік клубты 1:0 есебімен ұтқан болатын. Алайда бүгінгі кездесу сол кездегі ойыннан өзгеше болатыны анық. Себебі неміс машинасы қонақтар үшін &laquo;Альянс Аренаны&raquo; тозаққа айналдыраты белгілі. Бұл туралы команданың көшбасшысы Арьен Роббен мен басшыларының бірі Карл-Хайнц Румменигге уәде берді. Оның үстіне, бавариялықтар үшін Бундеслига аяқталды. Ал &laquo;Реал&raquo; әлі де ел біріншілігіндегі күресін жалғастырып жатыр. Демек, алаң иелері күшті қай матчқа сақтау керектігін біледі.<img alt="" src="/cms/uploads/images/8dd0e620ff49.jpg" style="width: 600px; height: 384px;" /></p> <p> Әрине, тарихы терең &laquo;корольдік клуб&raquo; та оңай шағыла қояр жаңғақ емес. Мадридтік клуб &laquo;Баварияға&raquo; қарсы сырт алаңда өткізген 10 ойынының тоғызында гол соққан екен. Статистикаға сүйенсек, қонақтар бүгін гол соға алатын болса, неміс машинасының жағдайы қиындамақ. Себебі ол кезде &laquo;Баварияға&raquo; үш бірдей гол соғу қажет болады. Оның үстіне, бірінші матчта мадридтіктердің көшбасшылары Роналду мен Бейл жарақатпен ойнаған еді. Ал бұл ойынға олар сақадай сай. Үш күн бұрын Криштиану &laquo;Осасуна&raquo; қақпасына екі гол соғып, сенімділік жинағаны анық. Бір қызығы, бүгінгі матч Карло Анчелотти үшін де маңызды болмақ. Мюнхендегі кездесудің нәтижесі италиялық маманның &laquo;Реал&raquo; бапкері ретіндегі тағдырын анықтамақ.</p> <p> Ал қай клубтың ақтық сында ойнайтынын &laquo;Альянс-Аренада&raquo; өтетін матчтың еншісіне қалдырайық.</p> <p> Ал кездесу жақында дүниеден озған Тито Виланованың құрметіне бір минуттық үнсіздікпен басталады. &nbsp;</p>