«ПСЖ» Неймарды сатуға дайын

«Пари Сен-Жермен» жақын уақытта бразилиялық шабуылшы Неймарды сатуы мүмкін, деп хабарлайды Prosports.kz сайты.

L'Equipe ақпараты бойынша, франциялық клуб футболшыға жақсы ұсыныс түссе, осы жазғы трансферде сатуға дайын. ПСЖ басшылығы Неймарды кем дегенде 222 млн еуроға сатпақ. Клуб ойыншыны «Барселонадан» осындай бағаға сатып алған болатын.

Неймар да париждіктер сапынан кетуге қарсы емес. Оның агенті Пини Захави ойыншының испаниялық клубқа оралуы бойынша жұмыс істеп жатыр.