Буффон Касильястың орнын басуы мүмкін

Францияның ПСЖ клубынан кеткен қақпашы Джанлуиджи Буффон мансабын Португалияда жалғастыруы мүмкін.

«<span>Порту</span>» клубының басшылары тәжірибелі Буффонды мансабын аяқтаған Икер Касильястың орнына алуды қарастырып отыр.

Бұған дейін Буффонға «Барселонадан», А Сериясына қайта оралған «Брешии» және «Лацио», «Дженоа» командаларынан ұсыныс түскен.

Айта кетейік, биыл италиялық қақпашы ПСЖ-ның сапында 25 матчқа қатысып, 25 гол жіберіп, Франция чемпионатының жеңімпазы атанды.