Қазақстан ұлттық құрамасы топтағы үшінші орынды сақтап қалды

Төртінші турда Кипр мен Шотландия бірде-бір ұпай еншілей алмады.

Футболдан Қазақстан ұлттық құрамасы Еуропа чемпионатының іріктеу кезеңіндегі 4-турда Сан-Мариноны жеңіп, топта үшінші орынға көтерілген еді. Топтың басқа матчтарынан кейін де құрамамыз өз орнын сақтап қалды. 

Ұлттық құрама өнер көрсететін I тобын Бельгия 12 ұпаймен бастап тұр. Екінші сатыны еншісінде 9 ұпайы бар Ресей иемденіп тұр. 

Бізден кейін Шотландия жайғасқан. Тұманды Альбион өкілдерінде де 6 ұпай болғанымен, доп айырмашылығының көрсеткіші Михал Билек командасына қарағанда нашар.