«Ертісті» сербиялық маман баптайды
Павлодарлық «Ертіс» футбол клубының басшылары сербиялық Милан Милановичтпен келісімге келді, деп хабарлайды Prosports.kz.
56 жастағы Милановичті бапкерлік қызметте табысқа жеткен маман деп айту қиын. Бұл қызметте жүргеніне 20 жылдан астам уақыт болса да аса биік белесті бағындыра қойған жоқ әлі. Бапкерлік мансабында ілгерінді-кейінді өз елінің және Молдова, Фарер аралдарының бірқатар командаларында қызмет атқарған.
Айта кетейік, бұған дейін «Ертіс» Клубының басшылары жаңа бапкермен осы маусымның соңына дейін жарамды келісімшарт жасасуды жоспарлап отырғанын жазған едік. Бапкерге қойылар басты тапсырма - турнирлік кестеде еурокубоктарға қатысуға мүмкіндік беретін сатыға қол жеткізу. Егер осы тапсырма орындалса келісімшарт автоматты түрде ұзартылады.
