Астанадағы УЕФА конгресін бүкіл Еуропа бақылайды

<p style="text-align: justify;"> <strong>27-ші наурызда Астанада өтетін УЕФА ұйымының кезекті XXXVIII конгресі еуропа футболының маңызды оқиғаларының<a href="http://kazinform.kz/kaz/article/2642342"> бірі болады, </a>дейді FIFPro бас хатшысы Тео Ван Сеггелен.</strong></p> <p style="text-align: justify;"> Кәсіби футболшылар қауымдастықтары халықаралық федерациясының (FIFPro) бас хатшысы елордада өткен баспасөз мәслихатында атап көрсеткеніндей, УЕФА конгресінде қазіргі замандағы әлемдік және еуропалық футболдың өзекті мәселелері мен футболшылардың құқықтары талқыланады.</p> <p style="text-align: justify;"> &laquo;Конгресс - өте маңызды шара. Ертең бірқатар түйткілді мәселелер талқыланады, маңызды шешімдер қабылданады. Шараны барлық Еуропа бақылап отырады. Ұйымдастыру жағы өте жоғары деңгейде&raquo;, - дейді Т.Сеггелен.</p> <p style="text-align: justify;"> Сонымен қатар оның айтуынша, футболшылар өздерінің құқықтарын сауатты қорғауы тиіс.</p> <p style="text-align: justify;"> &laquo;Қазақстандық футболшылардың жеке құқықтарын қорғай алатыны мені қуантады. Бұл елде кәсіби футболшылардың қауымдастығы және бапкерлердің &laquo;ProFootball&raquo; ұйымы құрылған және FIFPro халықаралық федерациясымен тығыз қарым-қатынастар орнатқан. 2015 жылы Қазақстан ресми түрде FIFPro-ға мүше атанады&raquo;, - деді ол.</p> <p style="text-align: justify;"> Еске сала кетейік, Астанада өтетін УЕФА конгресі ұйымның ресми сайты арқылы әлемге онлайн-көрсетілім арқылы таратылатын болады.</p>