Еуропа лигасының финалында италиялық төрешілер қызмет атқарады

29 мамырда Бакуде 2018/19 жылғы Еуропа лигасының финалдық матчы өтеді. Финалда Лондон қаласының қос командасы - «Арсенал» мен «Челси» кездеседі, деп жазады Prosports.kz.

УЕФА ресми сайты турнирдің басты матчында қызмет атқаратын төрешілердің тізімін жариялады.

Матчтың бас төрешісі италиялық Джанлука Рокки. Ал оған қос қапталдан отандастары Филиппо Мели мен Лоренцо Манганелли көмектеседі.

Тағы бір айта кетерлігі, Еуропа лигасының соңғы матчында VAR технологиясы пайдаланылады.