Юрий Перцух: Біз өз-өзімізден жеңілдік

«Тараз» - «Астана» арасындағы кездесу аяқталғаннан кейін елорда командасының жартылай қорғаушысы Юрий Перцух клубтың баспасөз қызметіне ойын туралы өз пікірімен бөлісті.

- Өкіншіке орай, екінші ойын қатарынан жеңіліске ұшырап отырмыз. Біз бүгін «Таразға» емес, өз-өзімізден жеңілдік. Ойын барысында көп қателікке бой алдырдық.

- Алаң сапасы ойын нәтижесіне әсер етті ме?

- Бұл «Тараз» командасының үйдегі кездесулерін өткізетін алаңы болғандықтан, оларға үйреншікті болған болар. Дегенмен, екі команда бірдей жағдайда ойнағандықтан, бізге ақталатын себеп жоқ.