Әйгілі өзбек қақпашысы допинг қолданғаны үшін жазаланды

Азия футбол конфедерациясы (АФК) Игнатий Нестеровқа қарсы шара қолданды.

Айыптаушы тарап 35 жастағы қақпашыны 16 айға футболдан шеттетуді сұраған. Алайда, АФК 8 ай мерзім жетеді деп шешті. Футболшы жаза мерзімі аяқталуға екі ай қалғанда командасының жаттығуына қатыса алады.

Еске сала кетейік, Нестеров осы жылы өткен Азия біріншілігі кезінде допингпен ұсталған еді. Қақпашының айтуынша, дәрігерлерге ескертпей, салмақ азайтатын дәрі қолданыпты.