Винисиус бір жылда алты есе қымбаттады

«Реал Мадридтің» жас шабуылшысы Винисиус Жуниор осы маусымда көрсеткен керемет өнерінен кейін трансфер нарығындағы бағасы бірнеше есе қымбаттады, деп жазады prosports.kz.

<span>Шетелдік басылымдардың саралауынша, жас бразилиялық бір жылға жуық уақытта 6 есе қымбаттаған. Мәселен дәл қазір оның тарнсфер нарығындағы құны 70 млн еуро. </span>

<span>Германиялық атақты transfermarkt.de сайтының мәліметі бойынша, 2017 жылдың соңында оның бағасы бар болғаны 10 млн болатын. Бірақ, сол кездің өзінде «Реал Мадрид» оны «Фламенго» командасынан 45 миллион еуроға сатып алған.</span>

<span>Винисиус қазіргі командасында төртінші қымбат ойыншы. Оның алдында Крос, Варан, Асенсио үштігі ғана орналасқан.</span>

<span>Испания Ла лигасында 12-ші қымбат ойыншы (Төмендегі суреттен толық мәліметті көруге болады). </span>

<span>Бұдан бөлек, 2000 жылдан кейін туғандар арасында екінші орында тұр. Одан сәл қымбат англиялық Джейдон Санчо (80 млн) ғана.</span>

<span>Ал жалпы әлем футболында қымбат 40 ойыншының қатарына кіреді. </span>

<span></span>