Мәссаған. Футболшы үш сағат дәрігерді күтіп жатты

Англия чемпионатының төменгі лигасында ойнайтын «Труро Ситидің» футболшысы Майкл Херв «Конкорд Рейнджерс» құрамасына қарсы ойында жарақат алып, үш сағат алаңда дәрігерлерді күткен.

Бұл туралы eurosport.ru хабарлады. Херв жергілікті уақытпен 16.30-да иығын зақымдап алды. Жарақат салдарынан ойын тоқтап қалды.

Қатты ауырсынған футболшы алаңнан кете алмай, дәрігерді күтті. Медециналық көмек 19.10-да ғана стадионға жеткен.