Еуро-2020 бойтұмары белгілі болды

УЕФА 2020 жылғы Еуропа чемпионатының бойтұмарын таныстырды, деп хабарлайды Prosports.kz сайты.

Оның есімі - «Скилзи», ағылшын тілінен аударғанда skills дағдылар дегенді білдіреді.

Баспасөз қызметінің ақпаратына сүйенсек, жаңа маскот футбол фристайлшысы ретінде жасалған. Ол іріктеу кезеңіндегі Нидерланды мен Германия матчы алдында таныстырылды.

Еуропа чемпионаты 2020 жылы жазда өтеді. Оған 24 құрама қатысады. Бір қызығы, бұл турнир алғаш рет 12 елдің 12 қаласында өтеді.