Катар ФИФА-ға ақша құйған

Катар билігі ФИФА ұйымымен 880 миллион долларға келісім жасаған, бұл 2022 жылғы футболдан әлем чемпионатын өткізу құқығын иелену үшін берілген пара болу мүмкін дейді,- The Times басылымы.

Басылымның жазуынша, тек "Әл-Жазира" телеарнасының өзі 2022 жылғы әлем чепионатын өткізу құқығын иеленуден екі апта бұрын ФИФА-мен 400 миллион долларға келісім жасаған. Бұл құқыққа 2015 жылдан бастап, 8 жыл бойы Қиыр Шығыс пен Солтүстік Африкадағы футбол матчтарын көрсету кірген. Қалған сомманы да өзге компаниялар келісім-шарт арқылы ФИФА-ға берген.