Оралхан Өміртаевтың голы Қазақстанға жеңіс сыйлады

Түркияда футболдан Қазақстан және Молдова құрамалары арасында жолдастық кездесуі аяқталды, деп хабарлайды Prosports.kz сайты.

Түркияда өткен кездесуде Қазақстан құрамасы аз есеппен қарсыластарын жеңді - 1:0.

Екі құрама бірінші кезеңде көзге түсерлік ойындарымен ерекшелене қоймады.

Бұл ойын футболдан 2020 жылғы Еуропа біріншілігінің іріктеу кезеңі алдындағы ұлттық құраманың дайындығы болып табылады.

Естеріңізге сала кетелік, біздің құрама I тобында Бельгия, Ресей, Шотландия, Кипр, Сан-Мариномен сынға түседі.

Қазақстан футболшылары іріктеу кезеңіндегі алғашқы ойынында 21 наурызда Шотландия құрамасын қабылдайды. Одан кейін 24 наурызда Астанада Ресей құрамасымен кездеседі.

Қазақстан - Молдова 1:0 (0:0)

Гол: Өміртаев 61 (1:0)

Негізгі құрам.

Қазақстан: Непогодов, Ерланов, Малый, Тұрсынбай, Мирошниченко, Шомко, Перцух, Нұрғалиев, Федин, Мұртазаев, Тұрысбек

Молдова: Челядник, Жардан, Граур, Антон, Посмак, Розгонюк, Антонюк, Амброс, Милинчану, Санду, Цуркан

21 ақпан. Анталья.