Оралхан Өміртаев: Ұлттық құрамаға әрқашан қажет болғым келеді

-<span> </span>Оралхан,<span> </span>оқу-жаттығу жиыны бірнеше күнге созылды. Осы уақыт аралығында қандай жұмыстар атқарылды?

-<span> </span>Күніне екі рет жаттығу жасадық.<span> </span>Теориялық дәріске көп көңіл бөлінді. Бапкерлер жаңа жүйемен қалай ойнау қажет екенін айтты. Михал Билек не қалайтынын түсіндірді. Қызықты әрі пайдалы жаттығулар деп есептеймін.

- Бас бапкердер шабуылшыларға қойылған нақты талаптар бар ма?

- Негізінен командалық дайындық жүріп жатыр. Жеке тапсырмалар жоқ. Бапкерлер шабуылшыларға, жартылай қорғаушыларға және қорғаушыларға бөлек түсіндіреді.

- Ертең Қазақстан мен Молдова құрамалары жолдастық матч өткізеді. Ойын туралы қандай ой келеді?<span> </span> 

- Ұлттық құраманың жаңа маусымдағы алғашқы ойынын асыға күтеміз. Жанкүйерлер үшін жеңіске жетіп, жаңа маусымды жақсы көңіл-күймен бастауды қалаймыз.

- Ұлттық құрамада өз алдыңа қандай мақсат қоясыз?

- Әрине, ұлттық құраманың жақсы ойын көрсеткенін қалаймын. Ұлттық құрамаға әрқашан қажет болғым келеді. 2020 жылғы Еуропа Чемпионатында біздің топтың қарсыластарына лайықты қарсылық көрсеткіміз келеді.

- Михал Билек бірнеше тәжірибелі шабуылшыларды шақырды. Олар -<span> </span> Алексей<span> </span>Щеткин, Роман Муртазаев<span> </span>жәнеБауыржан Тұрысбек. Бәсекелестіктен қорықпайсың ба?

- Аталған шабуылшылардың барлығының тәжірибесі мол. Жаттығуда ақыл-кеңестерін айтып, көмектеседі. Бір-бірімізбен жақсы араласамыз. Әр футболшы өз ісімен айналысады. Ал, ең үздігін бас бапкер таңдайды деп ойлаймын.

- 2020 жылғы Еуропа Чемпионатының іріктеу кезеңіндегі қарсыластар туралы не ойласыз?

-<span> </span>Маңызды турнир. Салмақты қарсыластар. Еуропа Чемпионатының іріктеу кезеңінде қарапайым қарсылас жоқ. Іріктеу сынында жақсы нәтиже көрсетуге ұмтыламыз. Топтағы әр ойынға жақсылап дайындалу қажет.