Чемпиондар лигасы үнсіздіктен басталды

Чемпиондар лигасы мен Еуропа лигасының осы аптадағы матчтары қаза тапқан аргентиналық футболшы Эмилиано Сала құрметіне бір минуттық үнсіздікпен басталады.

<span>Ал еурокубок матчтарына қатысатын футболшылар алаңға қара шүберек тағып шығады. Еске салайық, 9 қаңтарда Сала франциялық «Нанттан» англиялық «Кардиффке» ауысты. Трансфер соммасы жарияланбады, алайда АПЛ клубы бұл сомманы тарихындағы рекорд деп атады, ал баспасөз бетінде 20 миллион еуро туралы айтылып жүрді. 21 қаңтарда Сала «Нантпен» қоштасып, Уэльске ұшып шыққан. Футболшы мен ұшқыш отырған әуе кемесі радарлардан жоғалып кетеді. 3 ақпанда Ла-Манш бұғазынан ұшақ сынықтары мен Саланың денесі табылған. </span>