«Ақжайық» бапкері: Басты мақсат - премьер-лигаға оралу

<span>Басты мақсат - премьер-лигаға оралу. Бұл туралы Түркияда оқу-жаттығу жиынын өткізіп жатқан «Ақжайық» командасының бас бапкері Сергей Зайцев мәлім етті, деп хабарлайды ҚазАқпарат тілшісі. </span>

<span>Оралдық команданы өткен жаздан бері жаттықтырып келе жатқан украиналық маманның айтуынша, жаңа маусымға дайындық қалыпты өтуде.</span>

<span> - Алғашқы жиын болғаннан кейін ең алдымен ойыншылардың дене дайындығына көңіл бөлудеміз. Қазір команда күніне үш рет жаттығуда. Жігіттердің күш-қуатын қалпына келтіріп, техника мен командалық тактиканы қалыптастыруымыз керек. Жаттығу кезінде осы үш мәселеге ерекше назар аударып жатырмыз. Алдымызға премьер-лигаға қайта оралу міндеті қойылғандықтан, оқу-жаттығу жиыны кезінде тынбай еңбек ету маңызды, - дейді бас бапкер. </span>

<span>- Ал командаға жаңадан қосылған жастар жөнінде не айтар едіңіз ? </span>

<span>-Жастарға көңілім толады. Кейбіреулері негізгі құрам ойыншысы болуға дайын. Әзірге олардың есімдерін атамаймын. Бар айтарым - команда тізгінін ұстап қалатын жақсы футболшылар бар. Тек осы қарқынынан таймай, дамылсыз жаттығу керек. Футболда еңбексіз жақсы нәтиже болмайды. Қазір команда жасақталу үстінде, оны күшейту мақсатында бірнеше ойыншы жаңадан алынады.</span>