«Шахтер» атышулы видеодан соң директордың орынбасарын жұмыстан қуды

Қарағандылық «Шахтердің» басшылығы атқарушы директордың орынбасары Нұрғазы Жарылғаповты жұмыстан босатты, деп хабарлайды Prosports.kz.

Әлеуметтік желілерде тараған ақпаратқа сүйенсек, функционер өз қызметінен кеткен.

Естеріңізге салсақ, жақында желіде Жарылғапов өз әріптестерін боғауыз сөздердің астына алған видеосын жарияланған еді. Видео желіде дау шығарып, қолданушылар функционердің әрекетін сынға алған болатын.