«Тобыл» Балаевқа қатысты мәлімдеме жасады

Қостанайлық «Тобыл» ФК әзірбайжандық қақпашы Эмиль Балаевпен келіссөздер жүргізіп жатырі, деп хабарлайды Prosports.kz клубтың баспасөз-қызметіне сілтеме жасап.

- Біз әлі келісім-шартқа отырған жоқпыз, келіссөздер жүргізіліп жатыр, - деді «Тобыл» ФК директоры Николай Панин әзірбайжандық БАҚ жазбасына қатысты пікір білдіріп.

Оның сөзінше, Azerifootball.com сайтында көрсетілген мәліметтер шындыққа жанаспайды.

- Қазіргі уақытта Эмиль Балаев клубта емес, - деп түсіндірді Панин.

«Сабаил» футбол клубының қақпашысы Балаев бұған дейін «Нефтчи», «Карабах», «Сумгаит» және немістің «Айнтрахт» командаларында ойнаған.