Жардим «Монакоға» қайта келуі мүмкін

«Монаконың» экс-бапкері Леонарду Жардим 48 сағат ішінде Тьерри Анридің орнына келуі мүмкін, деп хабарлайды Спорт24.

Жексенбі «Монако» «Страсбурудан» 1:5 есебімен ұтылып қалған болатын. 21 ойыннан кейін Анри шәкірттері 19-шы орында қалды. Жардим клубты 2014 жылдан бері жаттықтырған. Оның басшылығымен команда Франция чемпионатында жеңімпаз атанып, чемпиондар лигасының жартылай финалына жеткен.