Владимир Газзаев: Шабуылға баса назар аударамыз

"Тобыл" ФК бас бапкері алғашқы оқу-жаттығу жиындарын қорытындылап, пікір білдірді.

<span>- Бүгінгі ойынды, әсіресе сапасы мен мазмұнына қарсақ, жаман өткізген жоқпыз. Бапкерлік штаб жігіттердің ойынына риза. Кездесу біздің команданың басымдығымен өтті. Әттеген-айы, шабуылды түйіндер тұста дәлдік жетіспей жатты. Нақтысын айтқанда, түйін пас болмады. Жекелеген ойын тұрғысынан да кемшін тұстарымыз бар. Осы жағына баса назар аударамыз. Дәл осы жаттығуды кұшейтеміз. </span>

<span>Бүгінгі ойыннан соң бірінші оқу-жаттығу жиын аяқталды. Жалпы, өзіміз жоспарлаған көрсеткішке қол жеткіздік. Әрбір жаттығуда, ойында бапкерлердің қойған тапсырмаларын бұлжытпай орындаған футболшыларға алғыс айтамын. <br />Жаттығу жиындарының бұл кезеңі "оң жамбасқа" келе қойған жоқ. Жігіттер физикалық тұрғыда біраз күш жұмсады. Бір жағынан тактикалық ойын үлгісін жасауға мүмкіндік алдық. </span>

<span>Осы жиында, бір өкініштісі, негізгі ойыншылардың біразы жарақаттарына байланысты толығымен қатыса алған жоқ.</span>

<span>Қазіргі уақытта команда 3 күн демалады. 24 қаңтарда оқу-жаттығу жиындарын қайта жалғастырамыз. </span>

<span>Екінші жиында 3 бақылау матчы өтеді, - дейді бас бапкер клубтың баспасөз қызметіне берген сұқбатында.</span>