Саян Хамитжанов енді «Ордабасыда» жұмыс істейді

«Астананың» бұрынғы президенті Саян Хамитжанов енді шымкенттік «Ордабасыда» қызмет етеді. Бұл туралы шымкенттік клубтың ресми сайты хабарлады.

«Ордабасы» сапында Хамитжанов президенттің көмекшісі қызметін атқарады. Хамитжанов бұл қызметтен бөлек өз мақсаттары бойынша да жұмыс істей беретінін айтты.

Оның мәлімдеуінше, жаңа маусымда «Ордабасы» алдында ел чемпионатында жүлдегер атану немесе Қазақстан кубогын жеңіп алу мақсат қылып қойылған. Сондай-ақ, Еуропа лигасының бірінші кезеңінен өту де басты мақсат болып отыр.