«Астана» БАӘ-нің жеті дүркін чемпионына қарсы ойнайды 

«Астана» командасының БАӘ-дегі оқу-жаттығу жиындары аясындағы 24 қаңтар күнгі қарсыласы белгілі болды. Бұл туралы клубтың баспасөз-қызметі жазды.

Қазақстанның бес дүркін чемпиондары БАӘ-нің жеті дүркін чемпионы «Аль Васл» командасына қарсы ойнайды. 

Дубай қаласының командасы чемпиондық атақтарынан бөлек, 2 мәрте ел Кубогында жеңіске жеткен. 

«Аль Васл» соңғы маусымда Азия Чемпиондар лигасының топтық кезеңінде өнер көрсетіп, ішкі біріншілікте қол жүлдеге қол жеткізген. 

Еске сала кетейік, астаналықтар БАӘ-дегі оқу-жаттығу жиыны аясында бұл командадан бөлек, даниялық «Мидтьюллан» және «Копенгаген» командаларына қарсы жолдастық кездесу өткізеді.