Аллегри осы маусымнан соң «Ювентустан» кетеді

Туриндік «Ювентустың» бас бапкері Массимилиано Аллегри осы маусымнан соң қызметінен кетпек, деп хабарлайды Prosports.kz.

El Mundo Deportivo ақпаратына сүйенсек, италиялық маман осы маусымның нәтижесіне қарамастан, өз орнын босатуға шешім қабылдаған.

Енді «Ювентустың» басшылығы бас бапкер қызметіне Зинедин Зиданды шақырмақ. Француз футболшы ретінде мансабында «Ювентустың» намысын қорғаған болатын.

Қазіргі уақытта, туриндік клуб Италия чемпионатында көш бастап келеді.