Исаэль Instagram-да «Қайратпен» қоштасты
Алматылық «Қайрат» футбол клубының <span>бразилиялық жартылай қорғаушысы Исаэль Барбоза </span>Instagram желісіндегі ресми парақшасында <span>қоштасу хатын жазды</span>, деп хабарлайды Prosports.kz.
<span>- «Қайрат» сапында </span>5 жылға жуық уақыт доп тептім. Енді қоштасудың уақыты келді. Бұл командада өнер көрсеткеніме қуаныштымын. Мен барлық матчтарда, сондай-ақ әрбір жаттығу сессиясында жақсы нәтиже көрсетуге барымды салдым. Барлығы 170-тен астам ойынға қатысып, 38 гол соқтым және көптеген нәтижелі пастар шығардым. <span>«Қайрат» жейдесінде</span> көп матч өткізген шетелдік ойыншы атану мен үшін үлкен мәртебе. Осы клуб тарихында өз атымды қалдырдым деп білемін. команданы, қаланы, жанкүйерлерді сағынатын боламын. Рақмет, «Қайрат»! Әрі қайта көрісуден үміттімін, - деп жазды Исаэль Instagram-да.
Айта кетейік, Исаэль <span>«Қайрат» сапында</span> бес маусым өнер көрсетті. Осы аралықта Қазақстан Премьер-Лигасының 3 мәрте күміс жүлдесіне қол жеткізді. Бейресми деректерге сенсек, жартылай қорғаушы мансабын Қытайда жалғастыруы мүмкін.