Украинадан Астанаға 38 журналист келді

"Астана" футбол клубы мен киевтік "Динамо" арасындағы ойынға, Украинадан БАҚ өкілдерінен 38 адам келген. Бұл туралы "Астана" футбол клубы баспасөз қызметінің маманы Асқар Хамиденов prosports.kz сайтына хабарлады. 

Хамиденнің айтуынша, Чемпиондар лигасы мен Еуропа лигасында бұған дейін дәл осынша көп журналист бір елден келмеген. Осы себепті кейбір қазақстандық БАҚ өкілдеріне берілетін аккредитация санын қысқартуға тура келген.