«Атлетико» мен «Барселона» тең тарқасты

Испания Ла лигасының 13-ші турында «Атлетико» мен «Барселона» кездесті, деп жазады prosports.kz.

Турнирлік кестенің төрінде тұрған қос команда Мадрид қаласында кім мықтыны анықтады. Бұл кездесудің фавориті каталониялық клуб болғанымен, бүгін олар жеңіліп қала жаздады. 

77-ші минутта Д.Костаның соққан голына қонақтар ойын соңында ғана жауап бере алды. Қосалқы құрамнан шыққан У.Дембеле 90-шы минутта таразы басын теңестірді. Осылайша, қос команда турнирлік кестеде бірінші, екінші орында қала берді.