Аллегри: Роналду «Алтын допқа» лайықты

«Ювентустың» бас бапкері Массимилиано Аллегри команда шабуылшысы Криштиану Роналдудың «Алтын допқа» үміткерлер тізіміне енбей қалуы мүмкін деген ақпаратқа қатысты ойын айтты.

«Бұл туралы ештеңе білмеймін, бірақ Роналдуда бәрі жақсы. Кеше жалпы топпен жаттығу жасады. Кез келген жағдайда, бұған дейін айтқанымдай, барлық жетістігі үшін Криштиану «Алтын допқа» лайықты», - деді Аллегри.

Естеріңізге салсақ, «Алтын доптың» жеңімпазы 3 желтоқсанда белгілі болады. Шетелдік БАҚ-тың хабаралуынша, үздік үштікке Роналду да, Лионель Месси де енбейді.