Астананың аязына шыдамаған футболшы Қазақстаннан кетпекші

<span>«Астананың» сапында өнер көрсететін әзірбайжандық футболшы Ричард Алмейда басқа командаға ауыспақшы. Аяқдопшы бұл шешімін елорданың суық ауа райымен байланыстырып отыр.</span>

<span>Әзірбайжандық жартылай қорғаушы алдағы уақытта «Карабах» футбол клубына қайта оралуды жоспарлауда. Бұл туралы Аzerisport.com сайты xабарлады.</span>

<span>- Бастапқыда мен «әл-Жазираға» өтуге тиіс едім. Алайда, «Астана» клубының бапкері менің менеджеріммен кездесу өткізуді сұрады. Мен бұл ұсыныстан бірнеше мәрте бас тартқан болатынмын. Бірақ отбасыммен ақылдаса, ақыр-соңында «Астанамен» екі жылдық келісімшартқа отырдым.</span>

<span>Бұл елдегі чемпионат жақсы, алайда мен «Карабахқа» қайтқым келеді. Мүмкін Қазақстанда тағы бір жыл қалатын шығармын. Мұнда бәрі жақсы, тек ауа райы мен үшін тым суық,- дейді футболшы.</span>

<span>Айта кетейік, 29 жастағы Альмейда елордалық клуб сапына жазда ғана өткен болатын. Ол «Астана» құрамында 16 ойынға қатысып, Қазақстан чемпионат аясында бір гол соқты.</span>