Киберспорттан Чемпиондар лигасы өтеді

Electronic Arts компаниясы УЕФА-мен бірге киберспорттан Чемпиондар лигасын ұйымдастырады.

Чемпиондар лигасы FIFA eWorld Cup 2019 аясындағы турнирлердің бірі болмақ. Бұл жарыстың әлемдік кезеңі 2-3 наурызда өтіп, PlayStation 4 приставкасымен ойнатылады. Ал үздік 64 ойыншы 26-27 сәуірде оффлайн-турнирге қатысады.

Чемпиондар лигасының финалында әлемнің үздік 8 спортшысы бақ сынайды. Ақтық матч 31 мамырда Мадридте өтеді.

Айта кетейік, бұл турнирдің жеңімпазы 100 мың доллар жүлде алады.