Аршавин Көк базарға барып, жылқы етінің бағасын қазақша сұрады

«Қайрат» футбол клубының жартылай қорғаушысы Андрей Аршавин Көк базарға барып, қазақша саудаласты. Бұл туралы Stan.kz жазды. 

Ресейлік футболшы блогер, спорт коммендаторы Евгений Савиннің жаңа видеосына түсуде. Желіде видеодан үзінді жарияланды.

Савин мен Аршавин алдымен тұрғындардан жылқы етінің бағасын қазақша қалай айту керектігін сұрап алды.

Аршавин сатушыға қазақша сұрақ қойғанымен, жауабын толық түсінбеген секілді. Алайда желідегілер оның қазақша анық сөйлейтінін айтып мақтады.