Андрей Аршавин екі ойыннан шеттетілді

Бүгін Қазақстан футбол федерациясының тәртіптік бақылау комитетінің отырысы өтті, деп хабарлады prosports.kz сайты.

Отырыста қаралған басты мәселелердің бірі, «Қайрат» командасының ойыншысы Андрей Аршавинге қатысты болды. Ресейлік футболшы <span>«Ертіске» қарсы ойында қызыл қағазбен жазаланған болатын. </span>

Аршавиннің қарсылас ойыншыға қарсы қауіпті қимылын жіті қадағалаған тәртіптік кеңес тәртіптік регламенттің 44-бабы 1-тармағының 2-тармақшасына сәйкес ресейлікті екі ойыннан шеттетуге шешім шығарды. Дисквалификациялау мерзімі 2018 жылдың 27 қазанынан басталады.