Қазақстан ұлттық құрамасы Андорраны ойсырата жеңді

Бүгін Қазақстан ұлттық құрамасы UEFA Ұлттар Лигасы аясында Андорра футболшыларымен кездесті. 

«Астана Аренада» өткен ойынның алғашқы таймында Еркебұлан Сейдахмет (21-минут) және Бауыржан Тұрысбек (39-минут) гол соқты.

Артынша, 61-минутта Бауыржан Исламхан қапталдан пас асырған, Андорра қақпашысы допты өз иелігіне өткізіп алды. Ал ойын нүктесін Роман Мұртазаев қойды. Бұл матчтың 74-минуты болатын.

Осылайша, Қазақстан құрамасы Андорраны 4:0 есебімен ойсырата жеңді. 

Осы матчтан кейін Қазақстан құрамасы өз тобында 5 ұпаймен екінші орынға көтерілді. Көш басындағы Грузияда 9 ұпай бар. Латвия мен Андорраның еншілерінде екі ұпайдан бар.

Қазақстан - Андорра 4:0 (2:0)

Голдар: Сейдахмет 21, Тұрысбек 39, Жозеп Гомес 61 (аг), Мұртазаев 74