Қайрат Боранбаев: Стоилов «өзі қазған орға» өзі түсті

«Қайрат» клубының Бақылау кеңесінің төрағасы Қайрат Боранбаев Қазақстан құрамасының бас бапкері Станимир Стоиловты «сынады», деп жазады Prosports.kz сайты.

«Стоилов қазақстандық футболшылардың ойын тәжірибесінің аздығына шағымданғанын оқыған боларсыздар. Алайда ол өзі клубта 8 шетелдік ойыншының болғанын қалап еді ғой! Өзі бастамашы болған еді ғой! Енді ол «өзі қазған орға» өзі түсті. Ұлттық құрамаға келді. Ал футболшыларды қайдан алады? Оған уақыт керек!» - деп сынады Қайрат Боранбаев Ұлттық құраманың бас бапкері Станимир Стоиловты.

Айта кетейік, Қазақстан құрамасы Ұлттар Лигасында үш турдан соң 2 ғана ұпаймен үшінші орында келеді. Станимир Стоиловтың қол астында Ұлттық құрамамыз Грузиядан 2:0 есебімен ұтылып, Андорра мен Латвия құрамаларымен 1:1 есебімен тең тарқасқан болатын.